À modu nostru, da Roland Frias. S’impegna assai l’Università di Corsica in u sviluppu di a furmazione in alternanza. Hè oghje una referenza nant’à u pianu naziunale. Prupone parcorsi à livellu DUT, DEUST, Licenza, Master 1 è 2, Diplomi Universitarii, secondu parechji settori d’attività è versu i quali i ghjovani ponu custruisce si un veru prughjettu persunale è prufessiunale, amparendu un mistieru, da a facultà à u mercatu di u travagliu, fendu cresce e so cumpetenze, cù d’altronde una certa autonumia finanziaria. Infatti, l’amparera permette à a ghjuventù d’apre si à un sapè fà è di praticà lu, in u rispettu di e tenniche di i prufessiunali. Ma si sà ch’elli sò impurtanti dinù l’insignamenti generali.
Per l’impresa, stu modu di studiu raprisenta un investimentu cù u scopu di furmà u so persunale di dumane. Dopu à l’acquistu di u diploma, i ghjovani chì anu sceltu l’amparera ci la facenu più prestu per truvà un impiegu, è a tassa d’inserzione va spessu aldilà di i 80 percentu. In Corsica, cù un mondu ecunomicu cumpostu per a maiò parte di piccule imprese, l’amparera ci mostra ch’ella hè un dispusitivu di furmazione adattatu propiu bè à l’attese di i prufessiunali è di i nostri territorii, in particulare, à livellu di i ritmi d’alternanza è di a pulivalenza di l’amparente. Ma, sti pochi tempi, in un cuntestu di crisa è di murusità di u mercatu di u travagliu, l’amparera pò avè un antru rollu maiò à prò di l’imprese.
In realità, è si tratta d’un accertamentu spartutu da parechji specialisti : per via d’una pupulazione chì s’invechja, si diccinuleghja u mondu ecunomicu isulanu in u listessu tempu chì e statistiche di e creazione d’imprese cunnoscenu una calata malgradu una certa dinamica di l’autoimpresa. Sapendu chì st’evuluzione inchietante si spiega da e difficultà di trasmissione o di cedenza ch’elli anu tanti capi d’impresa, di pettu à una mancanza di suluzione di ripresa adattate. Dapoi parechji anni, hè cambiata assai a fiura di a furmazione per mezu di l’amparera. Ghjera à principiu cunsiderata cum’è una via di pocu valore per i ghjovani in situazione di fiascu sculare.
Ma oghje ùn hè più cusì l’affare, hè ricunnisciuta cum’è una furmazione diplumante. Si deve piglià in contu e perfurmanze di l’alternanza chì assicureghjanu di a so efficacità, postu chì 9 amparenti nant’à 10 riescenu à u diploma priparatu è trovenu un impiegu dopu à u cuntrattu. In a struttura d’accolta, u studiente-salariatu, sott’à a rispunsabilità d’un tutore, scopre a prufessione è si forma à u mistieru bramatu. À l’Università, per esempiu, seguita l’insignamenti adattati à u so ritimu di vita prufessiunale. Hà dinù a pussibilità d’esse aiutatu da u CFA Universitariu : cumpensu doppiu alloghju, indennità di trasportu è numinazione d’un tutore pedagogicu… Sustenuta da a Cullettività Territuriale di Corsica è l’Unione Europea, l’alternanza hè una vera via d’eccellenza è d’avvene. Basta à francà u passu…
By Graham Attwell. The Guardian newspaper has published the headline results of an interesting survey of people in the UK, undertaken in conjunction with the Open University. I’ll comment on a few of the findings.
/https%3A%2F%2Fprofilepics.canalblog.com%2Fprofilepics%2F1%2F0%2F1076071.jpg)