Venida buena i klara !
Kada anyo i anyo la kultura djudeospanyola está kitando en medyo mas i mas kriasyones,  sueños i prodjetos. Kon el programa ainda mas riko i azlahalí de la universitá djudeospanyola en Paris perkurad deskuvrir el muhar del mundo djudeospanyol en todos sus modos i sus maneras.

Para esta kuatrena seduta mos metimos en tino de enrezyar  la ensenyansa, munchiguando los atölyés: todos, grandes i chikos, los ke no saven nada i los ke saven muncho puedrán  ambezarse la lingua, los kantes i kantikas, la kultura, el gizado, i para las kriaturas aparejamos dos atölyés de artes (desenes i figuras).
Las sedutas de moabetes mos darán a entender kualo ay i no ay muevo, prezentando los lavoros de los bushkadores mansevos, mos amostrarán los prodjetos de los editores, mos avlarán de komunidades djudeospanyolas poko o mal konosidas, de las haveransas de merkaderes.
Ande los Muestros el gozo del ambezar va siempre endjunto kon el plazer de la persona : muestra kuzina estará avyerta kada’l diya i aresiviremos tañedores i kantadores muevos en las tadradas kulturales, veremos tiyatro i sinemá.
Del chiko par’al grande, muestra universitá djudeospanola está avyerta para todos. Es el mijor luguar para enkontrarsen i empesar muevos prodjetos.
Este anyo también perkurimos mantener presyos baratos para aresivirvos ainda mas numerozos i espartir kon vozos muestro eskopo: ke esta kultura de mas de mil i kinyentos anyos arrelumbre kon sus rayos i briye kon alegriya oy i manyana, kada anyo renovada i mijorada, amén.

Venida buena i klara !
La culture judéo-espagnole n'a jamais suscité autant de projets, de rêves et de créations. L'université d'été judéo-espagnole à Paris, avec son programme plus intense et international que jamais, est l'occasion de découvrir le meilleur du monde judéo-espagnol sous toutes ses composantes.
Pour cette quatrième édition nous avons mis l'accent sur la pédagogie en multipliant les ateliers pour tous les niveaux et tous les publics : langue, chant, culture, cuisine et pour les plus jeunes deux ateliers d'arts plastiques.
Pour les tables rondes nous avons fait une large place aux nouveaux projets dans le domaine de l'édition et de la recherche universitaire. Nous nous intéresserons aussi à des communautés moins connues et aux réseaux marchands.
Chez les judéo-espagnols, le goût de l'étude s'accompagne toujours du plaisir des sens. Notre cuisine sera présente chaque jour et nous accueillerons lors des soirées de nouveaux musiciens, chanteurs et comédiens.
L'Université d'été judéo-espagnole est ouverte à tous. Elle est le lieu privilégié pour les rencontres et l'éclosion de nouveaux projets. Cette année encore nous avons fait le choix de maintenir des tarifs très attractifs afin de pouvoir vous accueillir encore plus nombreux et vous permettre de partager cette grande aventure : faire briller de mille feux, de la façon la plus contemporaine et festive, une culture riche de plus mille cinq ans d'histoire. Plus..